એક મોટા વાસણમાં પાણી બોઈલ થાય એટલે તેમાં મીઠું ઉમેરી પેની પાસ્તા ઉમેરવાના છે. અને તેને લગભગ 7 થી 8 મિનીટ માટે બોઈલ થવા દેવાના છે.

પાસ્તા બોલ થઈ જાય એટલે તેને એક સ્ટ્રેનરમાં લઇ તેમાંથી બધું પાણી નિતારી લેવાનું છે. અને તેમાં થોડું તેલ લગાવી તેને સાઈડ પર રાખી દેવાના છે.

ટમેટાને ચોખ્ખા પાણી થી ધોઈ તેના પર ચપ્પુથી ક્રોસ કરી લેવાના છે. એક વાસણમાં પાણી બોઈલ કરી તેમાં તૈયાર કરેલા ટમેટા અને સુકા મરચા ઉમેરી તેને 5 થી 6 મિનિટ માટે બોઇલ કરી લેવાના છે.

ત્યાર બાદ તેને પાણી માંથી કાઢી તેની છાલ ઉતારી તેને મિક્સર ની જારમાં ક્રશ કરી તેની પ્યુરી બનાવી લેવાની છે.

એક કડાઈમાં તેલ ગરમ મૂકી તેમાં સમારેલું લસણ અને સમારેલી ડુંગળી ઉમેરી તેને બરાબર રીતે સાતળી લેવાના છે. ત્યારબાદ તેમાં રેડ ચીલી ફ્લેક્સ, મિક્સ હર્બ, મરી પાઉડર અને સ્વાદ અનુસાર મીઠું ઉમેરી બધુ બરાબર રીતે મિક્સ કરી લેવાનું છે.

હવે તેમાં તૈયાર કરેલી ટમેટાની પ્યુરી ઉમેરવાની છે. બધુ બરાબર રીતે મિક્સ કરી ફરી તેને પાંચ મિનિટ માટે બોઇલ થવા દેવાનું છે જેથી રેડ સોસ તૈયાર થઈ જશે.

હવે તેમા બોઇલ કરીને તૈયાર કરેલા પાસ્તા ઉમેરવાના છે અને બરાબર રીતે રેડ સોસથી કોટ કરી લેવાના છે.