સૌ પ્રથમ એક બાઉલમાં હાંડવાનો લોટ લઈ તેમાં દહીં અને સ્વાદાનુસાર મીઠું ઉમેરી હલાવી લેવું પછી જરૂર મુજબ હુંફાળું પાણી ઉમેરી હલાવી બરાબર મીક્સ કરી ખીરું તૈયાર કરવું અને તેને ઢાંકી ને ૩-૪ કલાક આથો આવવા માટે રાખવું.

આથો આવી જાય પછી તેમાં વાટેલા આદુ મરચાં ઉમેરી હલાવી લેવું.ઢોકડિયામાં પાણી ગરમ કરવા મૂકવું.થાળી ને તેલ થી ગ્રીસ કરી ઢોકળિયા માં મુકવી ખીરા માં ઈનો ઉમેરી હલાવી તરત જ તેને ગરમ થાળી માં પાથરી દેવું અને ઉપર લાલ મરચું પાવડર ભભરાવી દેવો.

૧૦-૧૨ મિનિટમાં ઢોકળા થઈ જશે પછી તેને બહાર કાઢી લેવા એક વઘારીયા માં તેલ મૂકી ગેસ ચાલુ કરવો તેલ ગરમ થાય એટલે તેમાં રાઈ અને તલ ઉમેરવા તતડે એટલે તેને ઢોકળા ની થાળી માં રેડી લેવો અને કાપા પાડી લેવા.

તો તૈયાર છે ખાટાં ઢોકળા.તેને સરવિંગ ડીશ માં કાઢી લીલી ચટણી સાથે સર્વ કરવા.