ભરેલા બટાકા નું શાક (Bharela Bataka Shak Recipe In Gujarati)

એક બાઉલ માં ઉપર મુજબના બધા મસાલા હળદર,મરચું પાઉડર,ધાણાજીરૂ, મીઠું, સીંગદાણાનો ભૂકો,શેકેલા ચણા નો લોટ લો અને બરાબર મિક્ષ કરી લો.

હવે બટેટાની છાલ કાઢી પછી તેમાં ચેકા પાડી લો. પછી તેમાં બનાવેલો મસાલો ભરો અને બટાકા ને ચારણીમાં રાખો અને તપેલીમાં પાણી ગરમ કરીને તેના પર ચારણી રાખી બટેટાને બાફી લો.

હવે એક લોયામાં તેલ ગરમ કરો. તેલ ગરમ થાય પછી તેમાં જીરુ, લસણની પેસ્ટ અને હીંગ ઉમેરો પછી તેમાં સમારેલી ઝીણી ડુંગળી ઉમેરી બે-ત્રણ મિનિટ સુધી સાંતળી લો. પછી તેમાં ટમેટાની પ્યૂરી ઉમેરો પછી ટેસ્ટ મુજબ મીઠું અને ગરમ મસાલો ઉમેરોઅને તેને બે-ત્રણ મિનીટ સુધી ચડવા દો.

હવે પછી તેમા સ્ટીમ કરેલા બટાકા ઉમેરો. અને વધેલો મસાલો તેમાં ઉમેરી દો અને બરાબર મિક્સ કરી લો પછી તેમાંથી તેલ છૂટું પડે ત્યાં સુધી ચડવા દો.