સૌ પ્રથમ મેંદા માં મોણ નું તેલ અને મીઠું ઉમેરી જરૂર મુજબ પાણી ઉમેરી પૂરી જેવો લોટ બાંધી ઢાંકી ને 1/2 કલાક રાખવો.

એક કથરોટ માં બાફી ને મેશ કરેલા બટાકા,બાફેલા લીલા વટાણા,વાટેલા લીલા આદું મરચાં, મીઠું,હળદર,લાલ મરચું પાઉડર,ગરમ મસાલો, આમચૂર પાઉડર અને સમારેલા લીલા ધાણા ઉમેરી બરાબર મીક્સ કરી સ્ટફિંગ રેડી કરવું.

હવે લોટ ને તેલથી કેળવી તેમાં થી નાના લુવા બનાવી પૂરી વણી તેમાં સ્ટફિંગ મૂકી બન્ને સાઈડ પાણી લગાવી પૂરી ને વાળી કાંગરી વાળી ઘૂઘરા નો શેપ આપવો.

આ જ રીતે બધા ઘૂઘરા તૈયાર કરવા.એક કડાઈ માં તેલ ગરમ મૂકી તેલ ગરમ થાય એટલે મીડીયમ આંચ પર ૩-૪ ઘૂઘરા મૂકી ગોલ્ડન કલર ના તળી લેવા.

સરવિંગ ડીશ માં ઘૂઘરા મૂકી વચ્ચે કાણું પાડી ખજૂર આંબલી ની ચટણી,લીલા મરચાં ની તીખી ચટણી,અને લસણ ની લાલ ચટણી રેડી ઉપર ઝીણી સેવ,ઝીણી સમારેલી ડુંગળી અને લીલા ધાણા થી ગાર્નિશ કરી ગરમ ગરમ સર્વ કરવા.

તો તૈયાર છે જામનગર ના પ્રખ્યાત તીખા ઘૂઘરા.