એક વાસણમાં ઘઉંનો લોટ લઇ તેમાં મીઠું અને મોણ નાખી બહુ કઠણ નહીં અને બહુ ઢીલો નહીં તેવો લોટ બાંધવો. પછી લોટને ઢાંકીને 20 મિનિટ રેસ્ટ આપો.

એક કઢાઈમાં તેલ લો. તેલ ગરમ થાય પછી તેમાં રાઈ નાખો. પછી તેમાં જીરું, હિંગ, હળદર પાઉડર નાખો. પછી તેમાં ઝીણી સમારેલી ડુંગળી નાખો. ડુંગળીને સાંતળવા દો. ત્યાં સુધી બાફેલા બટાકાને મેશ કરી દો.

લોટ નો નાનો લૂવો લઈ અટામણ લઈ રોટલી વણો. પછી તેમાં બે ચમચી બટાકાનું પૂરણ મૂકો.

પછી રોટલી ને ઉપરથી પકડી ગોળ ગોળ વાળો અને ઉપરનો વધારાનો લોટ કાઢી નાખીને થોડું દબાવી ને ફરીથી વણો. પછી ગરમ તવી માં તેલ લગાવીને પરોઠા બંને સાઇડ ચડવા દો.

ગરમ પરાઠાને સોસ સાથે સર્વ કરો. દહીંની તીખારી સાથે પણ સર્વ કરી શકાય.