સૌ પ્રથમ ખીરું બનાવવા માટે એક બાઉલમાં ચણાનો લોટ, મીઠું, મરચું, હળદર એડ કરી મિક્સ કરવું. હવે તેમા જરૂર મુજબ પાણી એડ કરી ઘટ્ટ ખીરૂ તૈયાર કરવું. તેને 20 મિનિટ રેસ્ટ આપવું.

સ્ટફીંગ બનાવવા માટે બાફેલા બટેટા એકદમ ઠંડા થાય પછી જ સ્મેશ કરવા.

વઘાર કરવા માટે એક પેન માં તેલ લઈ તેલ ગરમ થાય એટલે રાઈ, જીરું, આદુ લસણ મરચાં ની પેસ્ટ એડ કરવી, બાફીને સ્મેશ કરેલા બટેટા એડ કરવા. હવે તેમાં મીઠું, હળદર, મરચું, ધાણાજીરું ખાંડ એડ કરવી. સારી રીતે મિક્સ કરી લેવું. છેલ્લે લીંબુનો રસ એડ કરવું. તેને ઠંડુ થવા સાઇડમાં મુકવું.

મિશ્રણ ઠંડુ થાય ત્યારે તેના નાના નાના બોલ્સ બનાવી લેવા. હવે વડા તળવા માટે કડાઈમાં તેલ લેવું. તેલ ગરમ થાય એટલે એક ટે.ચમચી તેલ ખીરામા એડ કરવું. બરાબર હલાવવું.

હવે બનાવેલા બોલ્સ ને ચણાના લોટના ખીરામાં બોળીને મિડીયમ ફલૅમ પર બદામી રંગના તળી લેવા.

બટેટવડા તૈયાર છે, તેને ખજુર આંબલી ની મીઠી ચટણી અને લાલ મરચાં લસણની તીખી ચટણી સાથે ગરમાગરમ સર્વ કરવું.