સૌપ્રથમ સ્વીટકોનૅ ને બાફી લેવા.હવે ગે્વી માટે ઘી અને તેલ ગરમ કરો તેમાં જીરું,લવિંગ,તજની કટકી, તમાલપત્ ની કટકી નાખો. હવે તેમાં કાજુ ના ટુકડા, લસણની કળી ના ટુકડા, લીલુ મરચું, આદુ, ઝીણી સમારેલી ડુંગળી નાખી 2 મિનિટ સાંતળો.હવે તેમાં ટામેટાં ના ટુકડા નાખી 2 મિનિટ સાંતળો હવે તેમાં ચપટી હળદર અને લાલ મરચું પાઉડર નાખી મિક્સ કરી 2 મિનિટ સાંતળો અને મિશ્રણ ને જરાક ઠંડુ પડવા દેવું. હવે આ મિશ્રણ ને મિક્સરમાં નાખી ક્શ કરી પેસ્ટ બનાવી લો.

હવે એક વાસણમાં બટર અને તેલ ગરમ કરી તેમાં ચપટી જીરું નાખો અને તેમાં સમારેલા કેપ્સીકમ નાખી 2 મિનિટ સાંતળો હવે તેમાં તૈયાર કરેલી પેસ્ટ(ગે્વી) નાખી તેમાં મીઠું, લાલ મરચું પાઉડર,હળદર,ધાણા જીરું નાખો અને 2 મિનિટ સાંતળો. હવે ગે્વી થોડી ઘટ્ટ થાય એટલે તેમાં બાફેલા સ્વીટકોનૅ અને કસૂરી મેથી નાખી થોડું પાણી નાંખી મિક્સ કરી તેમાં એક ચીઝ કયૂબ ખમણી સારી રીતે મિક્સ કરી 2 મિનિટ સાંતળો.હવે તૈયાર છે ગરમ ગરમ સ્વીટકોનૅ મસાલા. રોટલી કે પરોઠા સાથે સર્વ કરો.