પહેલા બઘા મસાલા તૈયાર કરો. ડુંગળી ઝીણી સમારી લો. મિક્ષર જારમાં સમારેલા ટામેટાં, લસણની કળીઓ, કાજુ, લવિંગ, તજ, મરી અને સૂકા લાલ મરચાં ની પેસ્ટ તૈયાર કરી લો.

હવે, એક કડાઈમાં ૪ ચમચા તેલ ગરમ કરી કાજૂને ગોલ્ડન બ્રાઉન સાંતળીને કાઢી લેવા. ત્યારબાદ તે જ તેલમાં ડુંગળી, જીરું અને તમાલપત્ર નાંખી ૫ મિનીટ સાંતળો.

હવે, તેમાં મિક્ષરમાં ગ્રાઇન્ડ કરેલું મિશ્રણ ઊમેરી તેલ પ્યુરીમાંથી છૂટું ના પડે ત્યાં સુધી આ પેસ્ટને ધીમી આંચ પર ૧૦ મિનીટ માટે ગરમ થવા દો. હવે, બાકી ના મસાલા ઉમેરો.

એક ગ્લાસ પાણી ઉમેરીને તેને ઉકાળો. પાણી ઉકળે ત્યારબાદ સાંતળેલા કાજુ ઉમેરીને ૧૦મિનિટ માટે ચડવા દો. પછી તેમાં એક ચમચી બટર અને એક ચમચી મલાઈ નાખી ને હલાવ્યા બાદ ગેસ બંધ કરી દો.

તો તૈયાર છે શાહી કાજુ મસાલા કરી. ગરમા-ગરમ સર્વ કરો.