સૌપ્રથમ કારેલા ની છાલ ઉતારી તેના એકસરખા મિડિયમ સાઈઝના ટુકડા કરી 1/2 ટી સ્પૂન જેટલું મીઠું નાખી 10 મિનિટ રહેવા દો. 10 મિનિટ પછી એક વાસણમાં પાણી ગરમ કરી તેમાં કારેલા ના ટુકડા નાખી ખુલ્લા ચડવા દો. હવે કૂક થયેલા કારેલા ને સહેજ દબાવી પાણી નિતારી લો અને કારેલા પર ચપ્પુ થી ઊભો કટ પાડી લેવા.

હવે મસાલો બનાવવા માટે પાપડી ગાઠિયા ને મિક્સરમાં પીસી લો. હવે એક વાસણમાં ગાઠિયા નો ભૂકો,લાલ મરચું પાઉડર, ધાણા જીરું પાઉડર, મીઠું,હિંગ,હળદર,ખાંડ,લીંબુનો રસ નાખી બધુ સારી રીતે મિક્સ કરી લો.

હવે કટ પાડેલા કારેલા માં તૈયાર કરેલ મસાલો ભરી લો.હવે એક કઢાઈ માં તેલ ગરમ કરી તેમાં રાઇ જીરું નાખો તે ખીલે એટલે તેમાં લીમડાના પાન નાંખી ટામેટાં અને આખી ડુંગળી નાખી 5 મિનિટ સાંતળો.

હવે તેમાં ભરેલા કારેલા નાખી હળવે હાથે મિક્સ કરી 5 મિનિટ કૂક કરો. હવે તેમાં બાફેલા બટાકા ના ટુકડા નાખી તૈયાર કરેલો મસાલો થોડો નાખી મિક્સ કરી બધો મસાલો ઉપર છાંટીને ઢાંકીને 5-7 મિનિટ ધીમે તાપે કૂક થવા દો.(જો શાક કઢાઈ માં નીચે ચોંટે તો શાક લોઢી પર મૂકી કૂક થવા દો.)

હવે શાક ને સરખી રીતે કૂક થાય એટલે એકવાર હળવે હાથે મિક્સ કરી લો.