સૌ પ્રથમ રાજાપુરી કેરી ને ધોઈ ને છોલી લેવી.ત્યારબાદ જાડી ખમણી માં ખમણ કરી લેવું.તેમાં હળદર અને મીઠું મિક્સ કરી 15 મિનિટ ઢાંકી ને રાખી દેવું.

ત્યારબાદ એ કેરી નું ખમણ પાણી છોડે(કેરી નું પાણી નીતરવા નું નહિ) એટલે એમાં જ ખાંડ ઉમેરી ઓગળે ત્યાં સુધી હલાવો.પછી ગેસ પર ગરમ કરવા મૂકવું.

આ મિશ્રણ ને સતત ચલાવતા રહેવાનું.જ્યારે એક તારી ચાસણી થાય ત્યારે ગેસ ની આંચ બંધ કરી મરચું પાઉડર ઉમેરી મિક્સ કરી લેવું.અને ઠંડુ થવા દેવું.ત્યાર બાદ કાચ ની બરણી માં ભરી લેવું,આખું વર્ષ આ છુંદો સારો રહે છે.