சேனைக்கிழங்கின் தோலைச் சீவிவிட்டு, சதுரத் துண்டுகளாக நறுக்கி அரிசிக் களைந்த நீரில் போட்டு வைக்கவும். பிறகு தண்ணீரை வடித்துவிட்டு கிழங்கை எடுத்து வைக்கவும்

மிளகாய் வற்றலுடன் பட்டை, சோம்பு மற்றும் கிராம்பு சேர்த்து மிக்ஸியில் போட்டு தூள் செய்யவும், அத்துடன் தேங்காய் துருவல், இஞ்சி, பூண்டு, வெங்காயம், தக்காளி மற்றும் உப்பு சேர்த்து அரைத்து எடுக்கவும்.

அரைத்தெடுத்த மசாலாவில் சேனைக்கிழங்கைப் போட்டுப் பிசறி, இட்லி பானையில் அல்லது ரைஸ் குக்கரில் வைத்து ஆவியில் வேக வைத்து எடுக்கவும்

பிறகு கடாயில் எண்ணெய் விட்டு கறிவேப்பிலை தாளித்து, வேக வைத்த சேனைக்கிழங்கை மசாலாவுடன் சேர்த்து, நன்கு முறுகலாகும் வரை பிரட்டி இறக்கவும்.