முதலில் சேனைக்கிழங்கு தோல் சீவி தேவையான அளவு வெட்டி அதை புளி தண்ணீரில் 20-30 நிமிடங்கள் ஊறவைத்து கொள்ளவும்...நாக்கு அரிப்பு ஏற்படாமல் இருக்க இப்படி செய்ய வேண்டும்.. பிறகு சேனைக்கிழங்கை ஒரு பாத்திரத்தில் போட்டு அதில் சிறிது உப்பு மற்றும் மஞ்சள் தூள் சேர்த்து 5 நிமிடங்கள் வேகவிடவும்..பாதி வெந்ததும் தண்ணீர் வடிகட்டி வைக்கவும்.

பின்னர் வேக வைத்த சேனைக்கிழங்கை சிறிது எண்ணெய் ஊற்றி பொரித்து எடுக்கவும்.. கிழங்கின் முதல் தோல் முறுகலாக வந்ததும் எடுத்து வைக்கவும். ஒரு மிக்ஸியில் தேங்காய், மிளகு, சோம்பு கசகசா பட்டை வகைகள் சேர்த்து நன்றாக அரைத்து வைத்துக் கொள்ளவும்.

ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் கடுகு சோம்பு சேர்த்து நன்றாக பொரிய விட்டு அதில் பொடியாக நறுக்கிய வெங்காயம் வரமிளகாய் சேர்த்து நன்றாக வதக்கவும்.. பின்னர் அரைத்த விழுதை சேர்த்து நன்றாக வதக்கவும்.. தண்ணீர் சிறிதளவு மட்டும் சேர்த்து நன்றாக வதக்கவும். பின் பொரித்த சேனைக்கிழங்கு சேர்த்து நன்றாக வதக்கவும்..தீயை அதிகமாக மிதமாக என வைத்து நன்றாக வறுக்கவும்... இப்போது சூடான சுவையான அசைவ உணவு சுவையில் சேனைக்கிழங்கு பிரட்டல் ரெடி. நன்றி. ஹேமலதா கதிர்வேல். கோவை பாசக்கார பெண்கள்.