பிரெட் டேட் டெசர்ட் (Bread date desert Recipe in Tamil)

முதலில் பாலை அரை லிட்டராக ஆகும் வரை நன்றாக கொதிக்க விடவும்.கொதித்த பின் அதில் ஒரு டேபிள்ஸ்பூன் கஸ்டர்ட் பவுடர் குளிர்ந்த பாலில் கலந்து அந்தக் கலவையை கொதிக்கும் பாலில் சர்க்கரையோடு சேர்க்கவும். கொதிக்க விடவும்.

சிறிது நேரம் ஆற விடவும். ஆறிய பால் சிறிது கெட்டியாக இருக்கும். பின்னர் அதில் 7 பிரட் ஸ்லைஸ்களை மிக்ஸியில் பொடித்து பாலில் சேர்க்கவும்.

8 பேரிச்சம் பழத்தை சிறிது சுடு தண்ணீரில் அரை மணி நேரம் ஊற விடவும்.பாதாம் முந்திரி வகைகளை சிறு துண்டுகளாக நறுக்கி நெய்யில் வறுத்து எடுக்கவும். ஊறிய பேரீச்சம் பழத்தை மிக்சியில் அரைத்து வறுத்த முந்திரி பாதாம் வகைகளை அதில் சேர்க்கவும்.

பரிமாறும் கப்பில் பிரட் கலவையை பரப்பவும். பின்னர் பேரீச்சம்பழ கலவையை மேலே வைக்கவும். அதன்மேல் திரும்பவும் பிரட் கலவையை பரப்பி நட்ஸ் மேலே தூவி குளிர்வித்து சாப்பிடலாம்.