முதலில் கால்கிலோ சேனைக்கிழங்கை தோல் சீவி பொடியாக அரிந்து அரிசி கழுவிய தண்ணீரில் சிறிது நேரம் போட்டு வைக்கவும். நெத்தாக வேகவைத்த துவரம் பருப்பு இரண்டு ஸ்பூன் அளவிற்கு எடுத்துக் கொள்ளவும். 3 ஸ்பூன் தேங்காய் துருவல் ரெடி செய்து கொள்ளவும்.

இப்போது இட்லி பாத்திரத்தில் தண்ணீர் சேர்த்து பொடியாக அரிந்த சேனைக்கிழங்கை தேவையான அளவு கல்லுப்பு சேர்த்து மஞ்சள் தூள் அரை ஸ்பூன், மற்றும் சாம்பார் தூள் ஒரு ஸ்பூன் சேர்த்து மூடி வைத்து வேக விடவும். குழைந்து விடாமல் வேக விடவும். காய் வெந்த பின் தண்ணீர் வடித்து எடுத்து வைத்துக் கொள்ளவும்.

ஒரு பெரிய வாணலியில் ஒரு ஸ்பூன் எண்ணெய் சேர்த்து சூடு ஏறியவுடன் அதில் ஒரு ஸ்பூன் கடுகு ஒரு ஸ்பூன் உளுத்தம் பருப்பு, ஒரு ஸ்பூன் கடலைப்பருப்பு, அரை ஸ்பூன் பெருங்காயத்தூள், 4 கிள்ளிய வரமிளகாய்,அரை ஸ்பூன் பெருங்காயத் தூள் மற்றும் கருவேப்பிலை சேர்க்கவும். நன்கு சிவந்தவுடன் அதில் வேகவைத்த காய் சேர்க்கவும்.

காயை நன்கு கிளறி விட்டு பிறகு வேக வைத்த துவரம் பருப்பு மற்றும் தேங்காய் சேர்க்கவும். நன்கு கிளறி விடவும். நன்கு சூடேற்றி பின் கொத்தமல்லி தலை சேர்த்து கலந்து விட்டு அடுப்பை நிறுத்தி விடவும். சுவையான சேனைக்கிழங்கு பொரியல் தயார். சாதத்துடன் சாப்பிட அருமையாக இருக்கும்.