முதலில் தேவையான பொருட்கள் அனைத்தையும் தயாராக எடுத்து வைக்கவும்.. புளியை நன்றாக கரைத்து வடிகட்டி வைக்கவும். மிளகு சீரகம் சேர்த்து நன்றாக வறுத்து அதை பொடியாக அரைத்து வைத்துக் கொள்ளவும். சுண்டைக்காய் வற்றலை 1 டீஸ்பூன் எண்ணெய் விட்டு வறுத்து எடுக்கவும்.ஒரு கடாயில் 3 டீஸ்பூன் எண்ணெய் விட்டு காய்ந்ததும் அதில் கடுகு, வெந்தயம் சேர்த்து பொரிய விடவும். பின்னர் சின்ன வெங்காயம் பூண்டு சேர்த்து நன்றாக வதக்கவும்.மிளகாய்கள் மற்றும் கறிவேப்பிலை சிறிது சேர்த்து நன்றாக வதக்கவும்.

வெங்காயம் நன்கு வதங்கியதும் அதில் மல்லித்தூள் மற்றும் மிளகாய்த்தூள் சேர்த்து நன்றாக வதக்கவும்.பின்னர் தக்காளி விழுது சேர்த்து நன்கு பச்சை வாசனை போக வதக்கவும்.. மஞ்சள் தூள் மற்றும் தேவையான அளவு உப்பு சேர்த்து நன்றாக வதக்கவும்.பின்னர் புளிக் கரைசல் சேர்த்து நன்றாக எண்ணெய் பிரிந்து வரும் வரை நன்கு வதக்கவும். பொரித்த சுண்டைக்காய் வற்றல் சேர்த்து நன்றாக 3-5 நிமிடங்கள் வேகவிடவும்.. எண்ணெய் பிரிந்து வந்ததும் அதில் வெல்லம் சேர்த்து நன்றாக கலந்து இறக்கவும்.. சூடான சுவையான சுண்டைக்காய் வத்தல் குழம்பு ரெடி

நன்றி.. ஹேமலதா கதிர்வேல். கோவை பாசக்கார பெண்கள்.