முதலில் தேவையான பொருட்கள் அனைத்தையும் தயாராக எடுத்து வைக்கவும்.. காய்கறிகள் அனைத்தையும் தண்ணீரில் அலசி விட்டு நறுக்கி வைக்கவும். ஒரு மிக்ஸியில் தேங்காய் துண்டுகள், பொட்டுக்கடலை, முந்திரி, சோம்பு, கசகசா, பச்சை மிளகாய்-1, பிரியாணி இலை சிறிது பட்டை கிராம்பு சிறிது சேர்த்து 1/4 டம்ளர் தண்ணீர் சேர்த்து நன்றாக அரைத்து கொள்ளவும். இப்போது குருமா செய்ய விழுது ரெடி.

ஒரு கடாயில் 3 டீஸ்பூன் எண்ணெய் விட்டு காய்ந்ததும் அதில் சிறிது பட்டை கிராம்பு பிரியாணி இலை சேர்த்து பொரிய விடவும். பின்னர் பொடியாக நறுக்கிய வெங்காயம் பச்சைமிளகாய்-1 சேர்த்து நன்றாக வதக்கவும். இஞ்சி பூண்டு விழுது சேர்த்து நன்றாக பச்சை வாசனை போக வதக்கவும்.இப்போது நறுக்கிய காய்கறிகளை சேர்த்து சிறிது உப்பு சேர்த்து நன்றாக வேகவிடவும் (காலிபிளவர் இல்லாமல், ஏனென்றால் இப்போது சேர்த்து வேகவிட்டால் குழைந்து விடும்). ஒரு கப் சுடு தண்ணீரில் காளிபிளவரை 5 நிமிடங்கள் வேகவிடவும்.

சேர்த்த காய்கறிகள் வெந்ததும் அரைத்த கலவை மற்றும் காலிபிளவர் சேர்த்து நன்றாக கலந்து கொள்ளவும். தேவையான அளவு தண்ணீர் சேர்த்து உப்பு சரிபார்த்து மீண்டும் 5-8 நிமிடங்கள் வேகவிடவும். குருமா பதம் வந்ததும் சிறிது கொத்தமல்லி இலை தூவி இறக்கவும்.. சூடான சுவையான ஹோட்டல் சுவையில் காய்கறிகள் வெள்ளை குருமா ரெடி. நன்றி. ஹேமலதா கதிர்வேல். கோவை பாசக்கார பெண்கள்.