முதலில் தேவையான பொருட்கள் அனைத்தையும் தயாராக எடுத்து வைக்கவும். கடலைமாவை சலித்து வைத்துக் கொள்ளவும்.. அதனுடன் பேக்கிங் பவுடர், மைதா மாவு தண்ணீர் சேர்த்து கட்டிகள் இல்லாமல் கரைத்து 2-3 நிமிடங்கள் நன்றாக பீட் செய்து கொள்ளவும்.அதில் பொடியாக நறுக்கிய வெங்காயம் பச்சைமிளகாய் கொத்தமல்லி இலை சிறிது சேர்த்து நன்றாக கலந்து கொள்ளவும்.

தோசை மாவை விட சற்று தண்ணியான பதத்திற்கு மாவை கரைத்துக் கொள்ளவும். ஒரு தோசை கல்லை அடுப்பில் வைத்து சூடானதும் அதில் சிறிது எண்ணெய் தடவி விட்டு ஒரு கரண்டி மாவை தோசையாக ஊற்றவும். சிறிது மிளகுத்தூள் தூவி,அடுப்பை மிதமான தீயில் வைத்து இரு புறமும் நன்றாக வேகவைத்து எடுக்கவும். சூடான சுவையான ஆரோக்கியமான வெஜ் ஆம்லேட் ரெடி. தக்காளி சாஸ் தேங்காய் சட்னி வைத்து சாப்பிட்டால் மிகவும் சுவையாக இருக்கும். நன்றி. ஹேமலதா கதிர்வேல்.