உருளைக்கிழங்குகளை தனியாக வேக வைத்து, தோல் நீக்கி கொள்ளவும். கீரையை அலசி ஆய்ந்து பொடியாக நறுக்கி கொள்ளவும்.

ஒரு வாணலியில் எண்ணெய் விட்டு கடுகு, சீரகம் தாளித்து பச்சை மிளகாய் கீறி சேர்த்து, வெங்காயம் சேர்த்து இஞ்சி பூண்டு விழுது சேர்த்து வதக்கவும்.

பின் தக்காளி சேர்த்து வதக்கவும். நன்கு வதங்கியதும், மஞ்சள் தூள், மல்லித்தூள், மிளகாய் தூள் சேர்த்து வதக்கவும்.

மசாலா வெந்ததும், அரைக்கீரை சேர்த்து வதக்கவும். கீரை வதங்கியதும் புளி கரைசல் ஊற்றி, கீரையை வேக விடவும். உருளைக்கிழங்கை மசித்து கொள்ளவும்.

கீரை நன்கு வெந்ததும், வேக வைத்த உருளைக்கிழங்கு சேர்த்து நன்கு மசாலாவுடன் சேர்த்து வதக்கவும். வதங்கியதும் கடைசியில் மிளகு தூள் சேர்த்து வதக்கவும்.

கடைசியில் சிறிது எண்ணெய் விட்டு கிளறி பரிமாறவும்.