கத்திரிக்காய் அரிசி கழுவிய தண்ணீரில் சிறிது நேரம் போட்டு வைக்கவும்.குழம்பு வைத்த தயார் செய்யும்பொழுது கத்திரிக்காய் அறிந்து கொள்ளவும். அரைக்க தேவையான பொருட்கள் அனைத்தையும் தயாராக எடுத்துக் கொண்டு சிறிது எண்ணெய் விட்டு சிவக்க வறுத்துக்கொள்ளவும். வெங்காயம் பூண்டு தோலுரித்துக் கொள்ளவும்.

மசாலா அரைக்க வறுத்த பிறகு அடுப்பை நிறுத்தி விட்டு அதே சூட்டில் சூட்டில் சிறிது நேரம் தேங்காயை சேர்த்து பிரட்டி விடவும். புளியை ஊறவைத்து கரைத்து எடுத்துக் கொள்ளவும்.

வறுத்த பொருட்களுடன் தேங்காய் சேர்த்து மைய விழுதாக அரைத்துக் கொள்ளவும். இப்போது ஒரு கடாயில் நல்லெண்ணெய் சேர்த்து அதில் கடுகு பெருங்காயத்தூள் சேர்த்து தாளிக்கவும். பிறகு கறிவேப்பிலை சேர்த்துக் கொள்ளவும். இப்போது கத்திரிக்காயை காம்பு பகுதியை வெட்டி விட்டு தலைப்பகுதியில் நான்காக பிளந்து கொள்ளவும். இந்த காயை தாளித்த பொருட்களில் சேர்த்து 2 நிமிடம் வதக்கவும். பிறகு பூண்டு பல் மற்றும் சிறிய வெங்காயத்தை சேர்த்து 2 அல்லது 3 நிமிடம் வதக்கவும். தக்காளியை பொடியாக சேர்த்து வதக்கிக் கொள்ளவும்.

என்னிடம் தக்காளி தீர்ந்து விட்டது அதனால் சேர்க்கவில்லை. வதக்கிய காய் உடன் மஞ்சள் தூள் சாம்பார் தூள் மிளகாய்த்தூள் சேர்த்து பச்சை வாசனை போக நன்கு பிரட்டிக் கொள்ளவும். தேவையான அளவு உப்பு சேர்த்துக் கொள்ளவும். இப்போது தேவையான அளவு அரிசி கழுவிய தண்ணீரை சேர்த்து காயை வேக விடவும். குழையாமல் வேகவிடவும். காய் வெந்தபிறகு புளித்தண்ணீரை கரைத்து ஊற்றி புளித்தண்ணீர் வாசம் போக கொதிக்க விடவும். கொஞ்சம் சர்க்கரை அல்லது வெல்லம் சேர்த்துக் கொள்ளலாம் தங்களுக்கு விருப்பம் என்றால்.

கடைசியாக கரம் மசாலா தூளை தூவி நன்கு கலந்துவிட்டு கருவேப்பிலை கொத்தமல்லி சேர்த்து கொதிக்கவிட்டு இறக்கவும். இந்த எண்ணெய் கத்திரிக்காய் குழம்பு சாப்பாட்டிற்கு மட்டுமல்லாமல் சப்பாத்திக்கு தொட்டுக் கொள்ள சுவையாக இருக்கும்.