வெந்தயக்கீரையை நன்கு கழுவி சுத்தம் செய்து நறுக்கி வைத்துக் கொள்ளவும்.

உருளை கிழங்கை முக்கால் வேக்காடு வேகவைத்து, தோல் உரித்து நறுக்கி வைத்துக் கொள்ளவும்.

கடாயை ஸ்டவ்வில் வைத்து சூடானதும் நெய் சேர்த்து காய்ந்ததும், பட்டை, கிராம்பு, ஏலக்காய், சீரகம், சோம்பு, பிரிஞ்சி இலை, இஞ்சி,பச்சை மிளகாய்,வெங்காயம் சேர்த்து வதக்கவும்.

பின்னர் தயாராக வைத்துள்ள உருளைக்கிழங்கு துண்டுகளை சேர்த்து கலந்து விடவும்.

பின்பு நறுக்கி வைத்துள்ள வெந்தயக்கீரையை சேர்த்து வதக்கி, கொஞ்சமாக தண்ணீர் சேர்த்து ஐந்து நிமிடங்கள் மூடி வைத்து வேக வைக்கவும். பின்னர் எடுத்துகரம் மசாலத்தூள், கசூரி மேத்தி பொடித்து சேர்த்து கலந்தால் ஆலூ மேத்தி கிரேவி தயார்.

தயாரான கிரேவியை எடுத்து ஒரு பௌலில் சேர்க்கவும். இப்போது மிக மிக சுவையான ஆலூ மேத்தி கிரேவி பஞ்சாபி ஸ்டைலில் சுவைக்கத்தயார்.

இந்த ஆலூ மேத்தி கிரேவியை சப்பாத்தி,ரொட்டி, நாண் போன்ற எல்லா உணவுடன் சேர்த்து சுவைக்கலாம். மிகவும் சுவையாக இருக்கும்.