સૌ પ્રથમ ઈડલી નું ખીરું લઇ તેમાં નિમક અને સોડા નાખીને ઢોકળાની થાળી બનાવો રેગ્યુલર કરતાં થોડા જાડા ઢોકળા બનાવવા ઉપર મરી પાવડર ભભરાવી અને સ્ટીમ થવા મૂકવાના આ રીતે ઢોકળાની બે થાળી તૈયાર કરવી.

સ્ટફિંગ બનાવવાની રીત. સૌપ્રથમ પનીરને છીણી લો, મકાઈને બાફીને છીણી લો, કેપ્સીકમ ને ઝીણા સમારી લો ત્યારબાદ આ ત્રણેયને મિક્સ કરીને તેમાં ક્રશ કરેલા લીલા મરચાં ચાટ મસાલો કોથમીર મીઠું નાખીને મિક્સ કરીને સ્ટફિંગ તૈયાર કરો.

સ્ટીમ થયેલા ઢોકળાની થાળી આખી બહાર કાઢવા માટે તેને ઠંડુ થવા દેવું જરૂરી છે. પછી તેને ગોળ કટરથી અથવા વાડકીથી કાપીને પીસ તૈયાર કરો.

એક ગોળ પીસ પર ગ્રીન ચટણી લગાવીને તેની ઉપર સ્ટફિંગ મૂકો બીજા પીસ ઉપર ચટણી લગાવીને તેની ઉપર મૂકવો. એક તવા પર રાઈ તેલ અને કોથમીર નાખીને તૈયાર કરેલી સેન્ડવીચ મૂકીને શેકવાની તેમાં થોડું ઘી નાખીને બરાબર બંને બાજુ ગ્રીલ થવા દેવું. ત્યારબાદ તેને મકાઇ અને કેપ્સીકમ થી ગાર્નીશ કરી ગ્રીન ચટણી સાથે સર્વ કરો.