સૌ પહેલાં કૂકરમાં ચોખા લઈ અને એને પાણીથી સરખી રીતે ધોઈ લેવા ત્યારબાદ તેમાં પાણી ઉમેરી અને ઘરનું ઢાંકણ બંધ કરી પકવવા દેવા. પલાડેલા ભાત હોય તો એને ચડતાં વાર નથી લાગતી એટલે બે જ કુકરની સીટી કરવાની.હવે બીજા કુકર માં મોગરદાળ ને પાણી થી સરખી રીતે ધોઈ ને તેમાં સમારેલી પાલક અને જોઈતું પાણી ઉમેરી કુકરમાં બાફી લેવું.

લસણને ઝીણું સમારી લેવું. ડુંગળીને પણ બારીક કાપી લેવી. લીલા મરચા અને આદુ ને પણ ઝીણા સમારી લેવા ટામેટાને પણ કાપી લેવા. કોથમીરને પણ ઝીણી સમારી લેવી.

હવે જે કુકરમાં દાળ અને પાલક બફાઇ ગઇ છે તેનો આપણે વઘાર કરવાનો છે.એક નાનીકડાઈ માં તેલ મુકો પછી તેલ આવી જાય ગરમ થઇ જાય એટલે તેમાં રાઈ અને જીરું નાખી અને ચપટી હિંગ નાંખવી ત્યારબાદ તેમાં ઝીણું સમારેલુ લસણ નાખવું. ડુંગળી સમારેલી નાખવી.થોડીવાર પછી તેમાં લસણ મરચાં અને આદું ઝીણા સમારેલા નાખવા ત્યારબાદ તેમાં ટામેટાં નાખવા અને થોડું સાંતળવું.

ત્યારબાદ તેમાં સ્વાદ પ્રમાણે મીઠું નાખવું. હળદર લાલ મરચું પાવડર અને ધાણાજીરું નાંખવું. સહેજચમચાથી હલાવી પછી તે બધો મસાલો બાફેલી મગની દાળ અને પાલકનાં નાખી અને થોડું પાણી ઉમેરી અને સરખી રીતે હલાવવું. કોથમીર નાંખવી.

તૈયાર છે આપણું પાલક અને મગની દાળનું શાક જે ભાત સાથે ખાવાની ખૂબ મજા આવે છે.