ત્રણ દાળ લ્યો. એક વાટકો તુવેરની દાળ પા વાટકો ચણાની દાળ અને પા વાટકો મસૂરની દાળ. તેને ધોઈ ને 1/2 કલાક પલાળી રાખો.

હવે કુકરમાં ત્રણ ચાર ચમચી ઘી મૂકવું. પછી તેમાં જીરું નો વઘાર કરીને આદુ ગ્રેટ કરીને નાખવું. ત્યાર પછી બધી દાળ મિક્સ કરી, તેમાં સ્વાદ મુજબ મીઠું અને હળદર નાખી, છ થી સાત સીટી થવા દેવાની.

હવે દાળની ગ્રેવી માટે 2 ડુંગળી ત્રણ મરચા અને એક નાનો ટુકડો આદુ લેવું. આ બધું સુધારીને ચોપર માં ચોપ કરી દેવાનું. ત્યારબાદ 2 ટામેટાં નાના નાના સુધારીને રાખવા.

ત્યાર પછી એક પેનમાં ઘી લેવું અને તેમાં જીરુનો વઘાર કરવો સાથે સૂકા લાલ મરચાં નાખવાં અને ત્યાર પછી તેમાં ચોપ કરેલી ડુંગળી સાંતળો.

હવે ડુંગળી કુક થઈ ગઈ છે. તેમાં ચોપ કરેલા ટામેટા નાખવા અને તેમાં જરૂર મુજબ મીઠું અને હળદર નાખીને સરખું કુક થવા દેવાનું. તેલ છૂટે ત્યાં સુધી કુક થાવું જરૂરી છે.

ગ્રેવી માંથી તેલ છૂટું પડે ત્યાર પછી તેમાં મરચું, ધાણાજીરૂ, આમચૂર પાઉડર, દાલ મખની મસાલો અને કસુરી મેથી નાખવી. આ બધું મિક્સ કર્યા પછી, બાફેલી દાળ મસાલામાં નાખી ને સરખી રીતે હલાવવું. હવે આ દાળને સરખી રીતે ઉકાળો.

આપણી દાળ જ્યારે તૈયાર થાય ત્યારે બીજી બાજુ એક કોલસો ગરમ કરવો અને એક વાટકીમાં રાખી તેને દાળમાં મુકવાનો. પછી તેમાં એક ચમચી ઘી નાખીને તરત ઢાંકણું બંધ કરી ને દાળને ઢાંકી દેવાનું અને દસથી પંદર મિનિટ દમ આપવાનો. ધૂમાડો બહાર ના નીકળે તેનું ધ્યાન રાખવું.

જીરા રાઈસ માટે એક પેનમાં ઘી લેવું. પછી તેમાં જીરૂનો વઘાર કરવો, પછી તેમાં તજ અને લવિંગ નાખી અને બ્રાઉન થવા દેવાનું. ત્યારબાદ ચોખા અને જરૂર મુજબ પાણી નાખી કુક થવા દેવાનું.
તો તૈયાર છે જીરા રાઈસ.