સૌ પ્રથમ એક બાઉલમાં રવો લઈ તેમાં ખાટુ દહીં નાખી જરુર લાગે તો પાણી એડ કરી ખીરુ બનાવી ૨૦ મીનીટ રહેવા દો.

હવે ખીરામા દૂધીનુ છીણ, આદુ મરચાની પેસ્ટ, હળદર, મરચુ પાઉડર, મીઠુ, ખાંડ નાખી સરસ હલાવી લો. બેટરમાં ઈનો નાખી એકદમ ફીણી લો. તો તૈયાર છે હાંડવાનુ બેટર.

હવે એક નોનસ્ટીક પેનમાં તેલ લઈ ગરમ કરવા મૂકો. તેમાં રાઈ નાખો તતડે એટલે તલ મીઠા લીમડાના પાન નાખી બનાવેલ બેટર પાથરી દો. જરુર લાગે તો ઉપરથી તલ ભભરાવો.

એકદમ ધીમા તાપે તાપે રાખો. ૮ ૧૦ મીનીટ પછી સહેજ ચેક કરી જોવો. બદામી થઈ ગ્યો હોય તો તેને હળવેકથી પલટાવી દો. ફરી ૮ ૧૦ મીનીટમા ચેક કરી જુવો.

સરસ બદામી કલર આવી જાય એટલે ગેસ બંધ કરી દો. તો તૈયાર છે ગરમાગરમ દૂધી રવાનો હાંડવો. તેને કેચઅપ સાથે સર્વ કરો.