சேனைக்கிழங்கை தோல் நீக்கி சுத்தம் செய்து தண்ணீரில் வேகவைக்கவும். வேகவைக்கும் பொழுது சிறு துண்டு புளி சேர்த்து வேக வைத்தால் அது அரிக்காமல் இருக்கும். முக்கால் பதம் வெந்தவுடன் எடுக்கவும்.

ஒரு மிக்ஸி ஜாரில் சின்ன வெங்காயம், தேங்காய், பொரிகடலை, பூண்டு, பச்சை மிளகாய், இஞ்சி, பட்டை கிராம்பு, ஏலக்காய், சோம்பு,சீரகம் மற்றும் தேவையான உப்பு சேர்த்து கொரகொரப்பாக அரைக்கவும்.

வேகவைத்த சேனைக் கிழங்கை நன்றாக மசித்துக்கொள்ளவும்.

மசித்த சேனைக்கிழங்கு உடன் அரைத்து வைத்த பொருட்களை சேர்த்து நன்றாக கலக்கவும்.

பொரிக்க தேவையான எண்ணெயை சூடு படுத்தவும் செய்து வைத்த கலவையிலிருந்து சிறு சிறு உருண்டைகளாக உருட்டி எண்ணெயில் நன்றாக இரண்டு புறமும் பொரித்து எடுக்கவும்.

சுவையான மற்றும் சத்தான சேனைக்கிழங்கு கோலா உருண்டை தயார்.