தேவையான பொருட்களை எடுத்துக் கொள்ள வேண்டும்.

கடாயில்,2டேபிள் ஸ்பூன் எண்ணெய் மற்றும் பட்டர் சேர்த்து சூடானதும்,ஏலக்காய், கிராம்பு,இஞ்சி,பூண்டு,சேர்த்து பொரிந்ததும், நீள் வாக்கில் நறுக்கிய வெங்காயம் சேர்த்து வதக்கவும்.

வெங்காயம் கண்ணாடி பதத்தில் வதங்கியதும், முந்திரி மற்றும் நறுக்கிய தக்காளி சேர்த்து கிளறி,மூடி போட்டு 10நிமிடங்களுக்கு நன்றாக மசியும் படி வேக விட்டு,இறக்கி ஆறவைக்கவும்.

ஆறியவற்றை,மிக்சி ஜாருக்கு மாற்றி, அரைத்து,பின் சலிக்கவும்.

மீண்டும் கடாயில்,எண்ணெய் மற்றும் பட்டர் சேர்த்து சூடானதும்,பிரியாணி இலை,மிளகாய் சேர்த்து தாளித்து,எடுத்து வைத்துள்ள மசாலா பொடிகள் சேர்த்து கிளறவும்.

பின் அரைத்து,சலித்து வைத்துள்ள விழுதை சேர்த்து கிளறவும்.

பார்க்க அழகாக இருக்கும்.

இதனுடன் 300 ml அளவு தண்ணீர் சேர்த்து கலக்கவும். மேலும், தக்காளியின் புளிப்பு சுவையை குறைக்க சர்க்கரை சேர்க்கவும்.

நன்றாக கலந்து விட்டு, அதனுடன் 2டேபிள் ஸ்பூன் அளவு ஃப்ரெஷ் க்ரீம் மற்றும் பன்னீர் சேர்த்து கலந்து, உப்பு சேர்த்து,மூடி போட்டு 10நிமிடங்கள் சிம்மில் வைத்து கொதிக்க வைக்கவும்.

10நிமிடங்கள் கழித்து,கஸ்தூரி மெதி மற்றும் மல்லி இலை,மீண்டும் ஒரு முறை 2டேபிள் ஸ்பூன் அளவு க்ரீம் சேர்த்து கிளறி 3நிமிடங்கள் கொதிக்க வைத்து இறக்கவும்.

க்ரீம் சேர்க்க சேர்க்க சுவை கூடும்.இறக்கிய பின் 1டேபிள் ஸ்பூன் அளவு சேர்த்துக் கொள்ளலாம்.

அவ்வளவுதான். சுவையான, க்ரீமியான, பன்னீர் பட்டர் மசாலா ரெடி.

இது, நான், குல்ச்சா,சப்பாத்தி-க்கு மிகப் பொருத்தமாக இருக்கும்.