சாதத்தை உதிரியாக வடித்துக் கொள்ளவும். தக்காளியை பொடியாக நறுக்கவும்.வெங்காயத்தை மெல்லியதாக நீள வாக்கில் நறுக்கவும்.

அடுப்பை சிறு தீயில் வைத்து, கடாயில் நெய்,எண்ணெய் விட்டு காய்ந்ததும், சோம்பு, பட்டை, கிராம்பு, ஏலக்காய், அன்னாசி மொக்கு, பிரிஞ்சி இலை, போட்டு நன்கு வதக்கவும்.

பிறகு இஞ்சி,பூண்டு, ப.மிளகாய் விழுது சேர்த்து நன்கு வதக்கினதும், வெங்காயம், ம.தூள், உப்பு, சாம்பார் பொடி, சேர்த்து வதக்கவும்.

வதக்கியதும், தக்காளி, மி.தூள், உப்பு, கரம் மசாலா தூள் சேர்த்து, வதக்கியதும், தயிர் சேர்க்கவும்.

தக்காளி, சுருள வதங்கியதும், வடித்த சாதத்தை போட்டு, ஒன்று சேர கிளறி அடுப்பை நிறுத்தி விடவும்.பிறகு, 1 ஸ்பூன் நெய், கொத்தமல்லி தழையை போடவும்.