એક બાઉલમાં પનીર લઈ તેમાં 1 ટેબલ સ્પૂન લાલ મરચું પાવડર, 1/2 ટીસ્પૂન હળદર, 1 ટેબલ સ્પૂન ગરમ મસાલો, 1/2 ટીસ્પૂન ચાટ મસાલો, મીઠું અને 2 ટેબલ સ્પૂન તેલ ઉમેરી બરાબર મિક્સ કરી લો.

એક કડાઈમાં તેલ ગરમ કરી તેમાં જીરું અને હિંગ ઉમેરી સહેજ થવા દો પછી તેમાં ડુંગળી અને મરચા ઉમેરી 2-3 મિનિટ સુધી ધીમા તાપે ચડવા દો પછી તેમાં ટામેટા અને આદુ લસણની પેસ્ટ ઉમેરી બરાબર મિક્સ કરી ટામેટા ગળી જાય ત્યાં સુધી ચડવા દો. હવે તેમાં બધા મસાલા ઉમેરી બરાબર મિક્સ કરી લો.

એક બાઉલમાં ઇન્સ્ટન્ટ પંજાબી પ્રીમીક્ષ લઈ તેમાં 1 કપ પાણી ઉમેરી બરાબર મિક્સ કરી લો. પછી તેને ડુંગળી ટામેટા માં ઉમેરી બરાબર મિક્સ કરી લો પછી તેમાં અધકચરા બાફેલા શાકભાજી ઉમેરીને બરાબર મિક્સ કરી 2-3 મિનિટ સુધી ધીમા તાપે ચડવા દો.

હવે તેમાં તૈયાર કરેલું પનીર ઉમેરી બરાબર મિક્સ કરી જરૂર મુજબ પાણી ઉમેરી 3-4 મિનિટ સુધી ચડવા દો.

તૈયાર થયેલા સ્વાદિષ્ટ શાકને ગરમાગરમ સર્વ કરો.