ઘરે જ ઢોકળા નું ખીરું બનાવું હોય તો ચોખા અને દાળ ને ૭ ૮ કલાક જરૂર મુજબ પાણી ઉમેરી પલાળવા. પછી એને વાટી ને દહીં કે છાશ નાખી ને જરૂર મુજબ ગરમ પાણી ઉમેરી આથો આવા પાછું ૭ ૮ કલાક મૂકી દેવું. જો બવ ખટાશ ના ખાવી હોય તો ૪ ૫ કલાક જ મૂકી રાખવું. અને ઢોકળા નો લોટ જ રેડી યુસ કરતા હોવ તો એને દહીં છાશ અને ગરમ પાણી નાખી ને આથો આવા મૂકી દેવું.

હવે આથો આવી ગયા પછી એમાં મીઠું, આદુંમરચાં લસણ ની પેસ્ટ કોથમીર અને હળદર ઉમેરી સરખું હલાવી લેવું. હવે એક નાની વાટકી માં ૩ ૪ ચમચી જેટલું પાણી, ઇનો/ ખાવાનો સોડા અને ૪ હમચી તેલ ગેસ પર ગરમ મૂકી એક ઉભાર આવે ત્યાં સુધી ગરમ કરી એ દુધિયું એ ખીરા માં નાખવું અને સરસ ફેટી લેવું. આ નળખવાથી ઢોકળા એકદમ સોફ્ટ અને ફોરા બનશે.

હવે ઢોકળીયા માં તેલ લગાવી ખીરું પાથરી ઉપર મરચું પાઉડર છાંટી ૧૫ થી ૨૦ મિનિટ માટે સ્ટીમ થવા દેવું. બહાર કાઢી ચેક કરી લઇ, કપ પડી લાઈવ ઢોકળા ને તેલ લીલી/ લસણ ની ચટણી સાથે સર્વ કરવા.