சிக்கனை நன்கு கழுவி சுத்தம் செய்து மஞ்சள் தூள், தயிர் சேர்த்து கலந்து 10 நிமிடம் ஊற வைக்கவும்.

குக்கரில் எண்ணெய், நெய் ஊற்றி காய்ந்ததும் சோம்பு, பிரியாணி இலை, கிராம்பு சேர்த்து தாளித்து வெங்காயம், கறிவேப்பிலை, பச்சை மிளகாய் சேர்த்து நன்கு பொன்னிறமாக வதக்கவும்.

பிறகு இஞ்சி பூண்டு விழுது சேர்த்து நன்கு பச்சை வாசனை போகும் வரை வதக்கி தக்காளி, மஞ்சள் தூள், உப்பு சேர்த்து நன்கு மசித்து வதக்கவும். மிளகாய்த்தூள், கரமசாலா, காஷ்மீர் மிளகாய்த்தூள், மல்லி தூள், சிக்கன் மசாலா சேர்த்து வதக்கி விடவும்.

பிறகு சிக்கன் சேர்த்து நன்கு கலந்து விடவும்.பிறகு சிக்கன் தண்ணீர் விட்டு வரும் வரை மூடி வைத்து வேக வைக்கவும்.பிறகு கடைசியாக தேங்காய், முந்திரி பருப்பு, தண்ணீர் சேர்த்து நன்கு பேஸ்ட் போல் அரைத்து வைத்துக் கொள்ளவும்.

பிறகு அரைத்த தேங்காய் பேஸ்ட் சேர்த்து தேவையான அளவு தண்ணீர் ஊற்றி உப்பு, காரம் சரிபார்த்து சிறிதளவு கொத்தமல்லி சேர்த்து நன்கு கிளறி விட்டு குக்கரை மூடி போட்டு 2 விசில் விட்டு இறக்கவும்.சூப்பரான சிக்கன் குருமா தயார். நன்றி