முட்டைக்கோஸ் கூட்டு (Muttaikosh koottu recipe in tamil)

முட்டைக்கோசை பொடியாக அரிந்து கொள்ளவும். கால் கப் தேங்காய் துருவல் 4 பச்சை மிளகாய் ஒரு ஸ்பூன் சீரகம் எடுத்து வைத்துக் கொள்ளவும்.பாசிப்பருப்பை தண்ணீர் சேர்த்து குக்கரில் வேக வைத்துக் கொள்ளவும். பிறகு கால் கப் அளவிற்கு தட்டை பயறு வேக வைத்து எடுத்து வைத்துக் கொள்ளவும்.

தேங்காய் மிளகாய் சீரகத்தை மிக்ஸியில் நைஸாக அரைத்துக் கொள்ளவும். முட்டைக்கோசை தேவையான அளவு உப்பு சேர்த்து வேகவைத்துக் கொள்ளவும்.ஒரு ஸ்பூன் எண்ணெயை சூடு செய்து அதில் அரை ஸ்பூன் கடுகு,1/2உளுத்தம்பருப்பு,கால் ஸ்பூன் பெருங்காயத்தூள்,2 கிள்ளிய வரமிளகாய் கொஞ்சம் கருவேப்பிலை சேர்த்து தாளித்து சேர்க்கவும். வேக வைத்த பாசிப்பருப்பு சேர்த்துக் கொள்ளவும். அரைத்த தேங்காய் விழுதையும் சேர்த்துக் கொள்ளவும்.

இது எல்லாவற்றையும் நன்கு கலந்து கொள்ளவும். வேக வைத்த தட்டை பயறு சேர்த்து ஒரு கொதி விடவும்.பொடியாக அரிந்த கொத்தமல்லித் தழை சேர்த்து இறக்கவும். சுவையான முட்டை கோசு தட்டை பயறு கூட்டு ரெடி.