3 உருளைக்கிழங்கை தோல் நீக்கி கழுவி குக்கரில் தண்ணீர்விட்டு வேக வைத்து மசித்து வைக்கவும். 1 பெரிய வெங்காயம் தோல் நீக்கி பொடியாக நறுக்கி வைக்கவும்.

1 பெரிய தக்காளியை பொடியாக நறுக்கி வைக்கவும்.1/4 கப்தேங்காய் துருவல் எடுத்து வைக்கவும். மிக்ஸி ஜாரில் ஒரு துண்டு இஞ்சி தேங்காய்த் துருவல் 8 உடைத்த முந்திரிப் பருப்பு சேர்த்து விடவும்.

அதனுடன் 1 டீஸ்பூன் தனியாத்தூள், 1 டீஸ்பூன் மிளகாய்த்தூள்,1/2 டீஸ்பூன் கரம் மசாலாத்தூள், 6 பல் பூண்டு தண்ணீர் சிறிது சேர்த்து நைசாக அரைக்கவும்.

அரைத்த விழுதை எடுத்து வைக்கவும்.கடாயில் 3 டீஸ்பூன் ஆயில் விட்டு 1 துண்டு பட்டை, 2 கிராம்பு தாளித்து நறுக்கிய பெரிய வெங்காயம் சேர்த்து நன்கு வதக்கி விடவும்.

அதனுடன் நறுக்கிய தக்காளி சேர்த்து வதக்கவும். அரைத்த விழுதை சேர்த்து 1/4 டீஸ்பூன் மஞ்சள் தூள், உப்பு சேர்த்து கலக்கி, தண்ணீர் விட்டு பச்சை வாசனை நீங்க கொதிக்க விடவும். மசித்து வைத்த உருளைக்கிழங்கை சேர்க்கவும்.

சுவையான உருளைக்கிழங்கு குருமா ரெடி.😄😄 கொத்தமல்லி தழை தூவி அலங்கரிக்கவும்.சப்பாத்தி செய்ய: 2 கப் கோதுமை மாவு 2 டீஸ்பூன் ஆயில், உப்பு தண்ணீர் விட்டு மாவை பிசைந்து வைக்கவும். 20 நிமிடம் மூடி வைத்து, பிறகு சப்பாத்தியாக தோசை கல்லில் சுட்டெடுக்கவும்.

சப்பாத்தியுடன் உருளைக்கிழங்கு குருமா ரெடி.