கடாய் மசாலா செய்ய மல்லி, சீரகம், மிளகு, காய்ந்த மிளகாய், சோம்பு சேர்த்து வாணலியில் லேசாக வறுத்து எடுத்து அதை மிக்ஸியில் பொடியாக அரைத்து எடுத்து கொள்ளவும்.

வாணலியில் எண்ணெய் ஊற்றி கேரட்,பீன்ஸ், உருளைக்கிழங்கு தேவையான வடிவத்தில் நறுக்கி சேர்த்து வதக்கி பச்சை பட்டாணி சேர்த்து வதக்கி மஷ்ரூம் சேர்த்து வதக்கவும்.

பிறகு இதில் மஞ்சள் தூள் உப்பு சேர்த்து வதக்கி
எடுத்து தனியாக வைத்து விடவும்.இதே போல் வெங்காயம், குடை மிளகாய் க்யூபாக நறுக்கி சேர்த்து வதக்கி எடுத்து தனியாக வைத்துக் கொள்ளவும்.

வாணலியில் பட்டர் சேர்த்து வெங்காயம், காய்ந்த மிளகாய் சேர்த்து வதக்கி இஞ்சி பூண்டு விழுது சேர்த்து பச்சை வாசனை போக வதக்கவும்.

இதில் மிளகாய் தூள் கரமசாலா காஷ்மீர் மிளகாய்த்தூள், உப்பு சேர்த்து வதக்கவும்.மிக்ஸியில் தக்காளி, முந்திரி பருப்பு சேர்த்து அரைத்து இதில் ஊற்றி கலந்து விடவும்.

பிறகு பச்சை வாசனை போனதும் வதக்கி வைத்த காய்கறிகளை சேர்த்து பன்னீர் துண்டுகள் சேர்த்து அரைத்த கடாய் மசாலா சேர்த்து தண்ணீர் ஊற்றி கலந்து விடவும்.

பிறகு இதில் வதக்கிய வெங்காயம், குடைமிளகாய் சேர்த்து கலந்து விட்டு உப்பு காரம் சரிபார்த்து ப்ரஷ் கிரீம் சேர்த்து கலந்து சிறிது நேரம் அடுப்பில் வைத்து கொள்ளவும்.

கடைசியாக கொத்தமல்லி இலை தூவி இறக்கவும். சூப்பரான வெஜ் கடாய் கிரேவி தயார். நன்றி