સૌ પ્રથમ વટાણા બટેટા ધોઈ ને કૂકર માં બાફી લો. તેની મિક્સર થી ગ્રેવી બનાવો. બટેટા વટાણા અધકચરા રહે તેમ. શિયાળો છે એટલે સૂકા વટાણા ની બદલે લીલા વટાણા વાપર્યા છે. જો સૂકા વટાણા વાપરવા હોય તો ૬ કલાક પલાળી રાખવા.

એક કડાઈ માં તેલ ગરમ મૂકો. તેમાં બધા જ ખડા મસાલા ઉમેરો.હવે તેમાં આમલી નો રસ, આદુ મરચાની પેસ્ટ ઉમેરો. બીજા બધા જ મસાલા ઉમેરી દો. આમલી ની જગ્યા એ લીંબુ રસ વધારે વાપરી શકાય.

હવે તેમાં ગ્રેવી ઉમેરો. બરાબર મિક્સ કરી ઉકળવા દો. ૧૦ મિનીટ.

નોન સ્ટિક તવી પર ઘી મૂકી પાઉં શેકવા. જો શેકવા ન હોય તો એમ જ ઉપયોગ કરી શકાય. પણ શેકવા થી વધુ સ્વાદિષ્ટ લાગશે. એક બાઉલ માં પાઉં ના ટુકડા કરો. તેની પર રગડો ગરમ ગરમ નાખી ને સજાવટ ની દરેક વસ્તુ ઉમેરો. કઈ પણ સજાવટ કર્યા વગર જ રગડો ખૂબ જ સ્વાદિષ્ટ અને ચટપટો લાગશે.