સૌપ્રથમ એક તપેલીમાં ઘી ગરમ કરવા મૂકો. તેમાં ઘઉંનો લોટ નાખી ધીમા તાપે શેકો. લાલ રંગ થાય ત્યાં સુધી શેકવું. બાજુમાં બીજી તપેલી માં ગોળ નાખી તેમાં ગોળ ડૂબે એટલું પાણી નાખવું, તેને ઉકાળવું. ગોળ ઓગળી જાય એટલે ગેસ બંધ કરી દેવો.

ત્યારબાદ જે લોટ શેકાઈ ગયેલો છે, તેમાં ગોળનું પાણી ઉમેરો. બધું પાણી બળી જાય ત્યાં સુધી હલાવો. તેમાં કાજુ બદામની કતરણ નાખો. ત્યારબાદ સર્વિંગ બાઉલમાં લઈ ઉપરથી કતરણ ઉમેરો અને બદામથી સજાવી, ગરમ ગરમ પીરસો.