પાલકને સાફ કરી, ધોઈને બાફી લેવી. બફાઈ જાય એટલે તરત એમાં ઠંડું પાણી ઉમેરી લેવું. એક ચારણીમાં નાંખી પાણી નિતારી લેવું. હવે પાલકને દબાવી એમાંથી બધું પાણી કાઢીને કોરી કરી લેવી. પાલક ને ઝીણી સમારી લેવી.

એક પેનમાં તેલ ગરમ થાય એટલે એમાં ઝીણો સમારેલો કાંદો સાંતળવો. એમાં લસણ ઉમેરવું. એક મિનિટ પછી એમાં મીઠું, મરી અને મિક્સ હર્બ ઉમેરવા. હવે પાલક ઉમેરી લેવી. બે મિનીટ પછી ગેસ બંધ કરી એમાં છીણેલું પનીર ઉમેરી લેવું. બધું બરાબર મિક્સ કરી લેવું.

હવે તૈયાર કરેલા લોટમાંથી નાના-નાના ગુલ્લા કરી લેવા. આ ગુલ્લા માંથી સાડા ત્રણ ઇંચ જેટલી પૂરી વણી લેવી. આ પૂરી પાતળી હોવી જોઈએ. પૂરી ની કિનારી પર પાણી લગાડવું જેથી એ ખુલી ના જાય. એમાં તૈયાર કરેલું સ્ટફિંગ ભરીને ચપટી વાળી ને પોર્ટ સ્ટીકર્સ બનાવવા.

એક નોન-સ્ટીક પેનમાં 2 ટેબલસ્પૂન તેલ લેવું. તેલ મીડીયમ તાપે ગરમ થાય એટલે એમાં આઠથી દસ પોટ સ્ટીકર ગોઠવી દેવા. બે-ત્રણ મિનિટ પછી જ્યારે પોટ સ્ટીકર નીચેથી ક્રિસ્પી બની જાય ત્યારે એમાં પા કપ જેટલું પાણી ઉમેરી તરત જ ઢાંકણ ઢાંકી દેવું. ત્રણથી ચાર મિનિટ કે જ્યાં સુધી પાણી બધું ઊડી ન જાય ત્યાં સુધી ઢાંકેલું રાખવું. આ રીતે બધા બનાવી લેવા. હવે આ પોટ સ્ટીકર તૈયાર છે

આમાં અલગ અલગ પ્રકારનું સ્ટફિંગ ભરી શકાય. અલગ અલગ આકાર ના બનાવી શકાય. ગરમાગરમ પોટ સ્ટીકર્સ સોયા સોસ અને મોમો ની ચટણી સાથે પીરસવા.