સૌ પ્રથમ રાઈસ ને છુટા જ બાફી લેશું અને ચોખા બાફતી વખતે તેમાં જ થોડા ચોખા ચડે એટલે તેમાં ગાજર વટાણા અને ચોળી નાખી દેશું. જેથી ભાત ની સાથે જ વેજીટેબલ પણ ચડી જશે.

આ ભાત 1/2કલાક પેહલા ત્યાર કરી રાખી દેવાનો.એટલે ઠરી પણ જશે અને છુટ્ટો થઈ જશે.

ત્યારબાદ ડુંગળી ને મોટી મોટી ચીર કરી તેલ મૂકી સાંતળી લો.લાઈટ બ્રાઉન થઈ જાય એટલે ઠરવા દો.

ત્યારબાદ પાલક ને જરા બાફી ને થોડી ઠંડી પડે એટલે મિક્સર મા પીસી લૉ અને તેની ગ્રેવી ત્યાર કરી લો.ત્યારબાદ ડુંગળી ને પણ મિક્સર મા પીસી લૉ અને આદુ મરચા લસણ ની પેસ્ટ ત્યાર કરી લૉ.અહી મે ૨મોટા મરચા લીધા છે કારણકે આપણે મરચું પાઉડર નો ઉપયોગ નથી કરવાના તેથી તીખાશ માટે મોટા મરચા લીધા છે.

ત્યારબાદ એક કડાઈ મા તેલ ગરમ મૂકી તેમાં જીરૂ અને હિંગ નો વઘાર કરો.ત્યારબાદ તેમાં ડુંગળી ની પેસ્ટ નાખી હલાવી લો.ત્યારબાદ તેમાં બિરયાની મસાલો ધાણાજીરું હળદર મીઠું ખાંડ ગરમ મસાલો બધું એડ કરી હલાવી લૉ.

ત્યારબાદ તેમાં આદુ લસણ મરચા ની પેસ્ટ એડ કરી દો.અને પાલક ની ગ્રેવી પણ એડ કરી દો. ધીમી આચ પર જરાવાર હલાવતા રહો.ત્યારબાદ તેમાં ભાત એડ કરી દો અને લીંબુ નો રસ નાખી સરસ હલાવી મિક્સ કરી લો.

ત્યારબાદ તેને ૧૦ મિનિટ માટે ઢાંકણ ઢાંકી ચડવા દો આ પ્રોસેસ ને દમ આપવી કેહવાય આ દમ આપવાથી બિરયાની એકદમ મસ્ત ચડી જશે. અને બધા મસાલા સરસ મિક્સ થઈ જશે.ત્યારબાદ તેમાં કાજુ એડ કરી દો કીસમીસ પણ નાખી શકાય પણ એમને તેનો ટેસ્ટ નથી ભાવતો તેથી મે નથી લીધી.

આ હૈદરાબાદી બિરયાની ત્યાર છે. આ બિરયાની નો ટેસ્ટ ખુબજ સરસ લાગે છે અને ગ્રીન કલર ની બનતી હોવાથી અલગ જ દેખાય છે. આ બિરયાની માં પાલક મુખ્ય ઘટક હોવાથી તે બાળકો નો ખાતા હોઈ તો પણ એમાં જરૂર થી ખાશે. આ હૈદરાબાદી બિરયાની આપણે ત્યાં પણ ખુબજ ફેમસ છે.