લોલીપોપ બનાવવા માટે : સૌપ્રથમ એક બાઉલમાં બાફેલા બટેટાને ખમણી લો, હવે તેની અંદર ડુંગળી, ટામેટુ અને ગાજર નાખી દો તેમજ બધા મસાલા, ચીલી ફ્લેક્સ, લીંબુનો રસ તેમજ ૨ ચમચી પૌંઆ નો ભૂકો ઉમેરી બરાબર બધું મિકસ કરી લો.

હવે તે બટેટાના પુરાણમાંથી એક સરખા ગોળા વાળી તૈયાર કરી લો. તે ગોળાને મનપસંદ આકાર આપી ગુલ્ફી ની સળી ભરાવી દો. આ રીતે બધી લોલીપોપ તૈયાર કરી દો.

હવે કોર્ન ફ્લોર ની સ્લરી બનાવી તેનાથી લોલીપોપ ને કવર કરો અને પૌંઆ ના ભૂકા માં રગદોળી એક પ્લેટમાં રાખો. બધી લોલીપોપ આ રીતે તૈયાર કરી લો અને ફ્રીજમાં ૩૦ મિનિટ માટે મૂકી દો.

૩૦ મિનીટ પછી મધ્યમ આંચ પર તેલમાં નાખી તળી લો.

ચાઈનીઝ સોસ બનાવવા માટે : સૌ પ્રથમ એક નોનસ્ટીક પેનમાં બે ચમચી તેલ નાખી તેમાં સમારેલા આદુ, લસણ, ડુંગળી, મરચાના કટકા નાખી બરાબર સાંતળી લો. હવે તેમાં બધા સોસ, વિનેગર તેમજ ખાંડ અને મીઠું નાખી પકાવી લો. ૪ થી ૫ ચમચી પાણી નાખો. થોડુ જાડું થાય ઉકળીને એટલે ગેસ બંધ કરી સોસ ને ઠંડો કરી લો.

હવે એક સર્વિંગ પ્લેટમાં લોલીપોપ તથા સોસ કાઢી ગરમ ગરમ સર્વ કરો.