டொமேட்டோ இட்லி

கடாய் அடுப்பில் வைத்து ஒரு டேபிள் ஸ்பூன் நெய் ஊற்றி சூடானதும் உளுந்தம் பருப்பு, கடலைப்பருப்பு, கறிவேப்பிலை சேர்த்து லோ ஃப்ளேமில் சிவக்கும் வரை வதக்கவும்.இதனுடன் முந்திரிப் பருப்பை சேர்த்து வதக்கவும்.முந்திரிப்பருப்பு சிவந்ததும் ரவையை சேர்த்து 3 முதல் 4 நிமிடங்கள் வரை வறுத்து ரவையை வேறொரு பவுளில் மாற்றி ஆற விடவும்.

அதே கடாயில் ஒரு டேபிள் ஸ்பூன் நெய் ஊற்றி சூடானதும் கடுகு போடவும்.கடுகு பொட்டியதும் நறுக்கிய வெங்காயம் சேர்த்து வதக்கவும்.

வெங்காயம் வதங்கியதும், நறுக்கிய தக்காளியை சேர்த்து, தேவைக்கு உப்பும் சேர்த்து வதக்கி தக்காளி மென்மையாக வெந்து வரும் வரை மூடி வைத்து வேக வைக்கவும்.

தக்காளி வெந்து வரும் போது மஞ்சள் தூள், மிளகாய் தூள் சேர்த்து நன்றாக மிக்ஸ் பண்ணி தக்காளி மசிந்து வரும் வரை வதக்கவும்.

பிறகு இதனுடன் மல்லி இலை நறுக்கியதும் சேர்த்து நன்றாக வதக்கி அடுப்பை அணைத்து இறக்கி ஆற வைக்கவும்.

ஆறியதும் இதனை வறுத்து ஆற வைத்திருக்கும் ரவையுடன் சேர்த்து, ஒரு கப் தயிரும் சேர்த்து, தேவைக்கு உப்பும் சேர்த்து நன்றாக மிக்ஸ் செய்து இதனை 10 நிமிடம் செட் ஆவதற்கு வைக்கவும்.

10 நிமிடம் கழித்து இதில் தேவையான அளவு தண்ணீர் ஊற்றி இட்லி மாவு பதத்திற்கு கரைத்துக் கொள்ளவும்.

இட்லி பானையை அடுப்பில் வைத்து தேவைக்கு தண்ணீர் ஊற்றி கொதித்ததும், இட்லி தட்டுகளில் எண்ணெய் புரட்டி, இந்த கலவையை ஊற்றி இட்லி பானையில் வைத்து ஹை ஃப்ளேமில் 15 நிமிடங்கள் வேக வைத்து எடுக்கவும்.

சுவையான டொமேட்டோ இட்லி தயார்.