ரவா கிச்சடி /கேரட்  /சுஜி

ஒரு பெரிய வாணலியில் கால் கப் எண்ணெய் சேர்த்து சூடு படுத்தவும். அதில் கடுகு சேர்த்து பொரிந்தவுடன், கடலைப்பருப்பு, உளுத்தம்பருப்பு சேர்த்து சிவக்க விடவும். பிறகு வெங்காயத்தை சேர்த்து வதக்கவும். பிறகு பச்சை மிளகாய் சேர்க்கவும். உடன் இஞ்சி சேர்க்கவும். இரண்டு நிமிடம் வதக்கிய பின் தக்காளி சேர்த்து வதக்கவும். பொடியாக அரிந்த கேரட், பீன்ஸ், குடமிளகாய் உருளைக்கிழங்கு எல்லா காய்களையும் சேர்த்து வதக்கவும். என்னிடம் பட்டாணி இல்லை அதனால் சேர்க்கவில்லை.

ஒரு டம்ளர் வரை தண்ணீர் ஊற்றி மஞ்சள் தூள், உப்பு சேர்த்து மிதமான தீயில் காய்கறிகளை வேக விடவும். காய்கறிகள் வெந்தவுடன் தண்ணீர் மீதம் உள்ளதை பார்த்து 2
1/2லிருந்து 3 தம்ளர் வரை தண்ணீர் சேர்க்கவும். (ஒரு டம்ளர் ரவைக்கு மூன்று டம்பளர் தண்ணீர்1:3).

தண்ணீர் நன்கு கொதித்தவுடன், கருவேப்பிலை, கொத்தமல்லி சேர்க்கவும். பிறகு எடுத்து வைத்த ஒரு டம்ளர் ரவை தூவி, கட்டி இல்லாமல் நன்கு கிளறி விடவும். வெந்த ரவையை தொட்டுப் பார்த்து கையில் ஒட்ட வில்லை என்றால் அடுப்பை நிறுத்தி விடவும். சூடான சுவையான ரவா கிச்சடி தயார். தொட்டுக்கொள்ள தேங்காய் சட்னி, தயிர் நன்றாக இருக்கும். மேலும் மாங்காய் ஊறுகாய் தொட்டுக்கொள்ள சுவையாக இருக்கும்.