சுண்டைக்காய் வத்தக் குழம்பு

20 சுண்டைக்காய் வத்தலை எடுத்து வைக்கவும். சீரகம் 1/2 டீஸ்பூன்,மிளகு 1/2 டீஸ்பூன் புழுங்கல் அரிசி 1 டீஸ்பூன் துவரம்பருப்பு 1 டீஸ்பூன் தனியா 1 டீஸ்பூன் வரமிளகாய் 5, வெந்தயம் 1/2 டீஸ்பூன் எடுத்து வைக்கவும். கடாயில் சிறிது எண்ணெய் விட்டு துவரம் பருப்பு,தனியா புழுங்கலரிசி,வரமிளகாய் சீரகம்,மிளகு,வெந்தயம் அனைத்தையும் சேர்த்து
சிவக்க வறுக்கவும்.

வறுத்தவற்றை ஆறவிட்டு மிக்ஸியில் சேர்த்து பொடித்து வைக்கவும். கடாயில் 1 டீஸ்பூன் ஆயில் விட்டு சுண்டைக்காய் வத்தலை வறுத்து வைக்கவும்.

புளி ஒரு நெல்லிக்காய் அளவு ஊற வைக்கவும். சின்ன வெங்காயம் 12, பூண்டு 5 பல் தோல் நீக்கி கழுவி பொடியாக நறுக்கி வைக்கவும்.

கடாயில் 2 டீஸ்பூன் ஆயில் விட்டு கடுகு 1/2 டீஸ்பூன் வெந்தயம் 1/2 டீஸ்பூன் தாளித்து நறுக்கிய வெங்காயம்,பூண்டு சேர்த்து வதக்கி புளியைக் கரைத்து 2 கப் அளவு ஊற்றி கொதிக்கவிடவும்.அதில் மஞ்சள் தூள் 1/2 டீஸ்பூன், வறுத்து அரைத்து பொடித்த பொடியை 2 டேபிள் ஸ்பூன் உப்பு,சேர்த்து நன்கு கொதிக்க விடவும்.

குழம்பு கொதித்து கெட்டியானவுடன் வறுத்து வைத்த சுண்டைக்காய் வத்தலை சேர்த்து 3 நிமிடம் கொதிக்க விடவும். நன்கு கொதித்து கெட்டியானவுடன் 1 டேபிள் ஸ்பூன் வெல்லம் சேர்த்து இறக்கி விடவும்.