முதலில் தேவையான பொருட்கள் அனைத்தையும் தயாராக எடுத்து வைக்கவும். ஒரு குக்கரில் 1 டீஸ்பூன் எண்ணெய் விட்டு காய்ந்ததும் அதில் தண்ணீரில் அலசிய மட்டன் சேர்த்து வதக்கவும்.பின் மஞ்சள்தூள் மற்றும் இஞ்சி பூண்டு விழுது சேர்த்து நன்றாக வதக்கவும். தேவையான அளவு தண்ணீர் சேர்த்து 7 விசில் விட்டு இறக்கவும். கொத்தமல்லி சீரகம் மிளகு சோம்பு பட்டை கிராம்பு பிரியாணி இலை அன்னாசி மொக்கு போன்ற அனைத்தையும் வெறும் வாணலியில் வறுக்கவும்.

அதே வாணலியில் 1 டீஸ்பூன் எண்ணெய் விட்டு காய்ந்ததும் அதில் சின்ன வெங்காயம் பூண்டு இஞ்சி வரமிளகாய் சேர்த்து நன்றாக வதக்கவும். பின்னர் நன்றாக ஆறியதும் இரண்டையும் மிக்ஸியில் போட்டு நன்றாக அரைத்து வைத்துக் கொள்ளவும். ஒரு கடாயில் 3 டீஸ்பூன் எண்ணெய் விட்டு காய்ந்ததும் அதில் சிறிது பிரியாணி இலை பட்டை கிராம்பு சேர்த்து பொரிய விடவும். பெரிய வெங்காயம் சேர்த்து நன்கு வதக்கவும்.

பின்னர் தக்காளி சேர்த்து நன்றாக வதக்கவும். அரைத்த விழுதை சேர்த்து நன்றாக வதக்கவும். எண்ணெய் விட்டு வந்ததும் வேக வைத்த மட்டனை அதில் உள்ள தண்ணீர் உடனே சேர்த்து நன்றாக கலந்து, தேவையான அளவு உப்பு சேர்த்து நன்றாக வதக்கவும்.

நன்றாக கிரேவி பதம் வந்ததும் சிறிது கொத்தமல்லி இலை தூவி இறக்கவும். சூடான சுவையான பிரஸ் மசாலாவில் செய்த மட்டன் கிரேவி ரெடி. நன்றி. ஹேமலதா கதிர்வேல். கோவை பாசக்கார பெண்கள்.