முருங்கைகீரை மிளகு சூப்

முருங்கைகீரையை நன்கு காம்பு இல்லாமல் உருவி, அகலமான பாத்திரத்தில் தண்ணீரில் நன்கு கழுவி பிழிந்து எடுத்துக் கொள்ளவும்

அரிசி களைந்த தண்ணீரை மூன்று முறை கழுவி எடுத்துக் கொள்ளவும். (ஒவ்வொரு முறையும் ஒரு கப் அளவு தண்ணீர் விட்டு முறை எடுத்துக்கவும்)

குக்கரில் முதல் இரண்டு தரம் தண்ணீரை எடுத்துக்கொண்டு அதனுள் பொடியாக நறுக்கிய வெங்காயம், தக்காளி, நீளவாக்கில் கீறிய பச்சை மிளகாய் சேர்க்கவும்

இப்போது இதனுள் கீரையை வைக்கவும்

ஒரு மூடிய கொண்ட டப்பாவில் 50 கிராம் அளவு பாசிப் பருப்பை எடுத்துக் கொண்டு நன்கு கழுவி அது மூழ்கும் அளவு தண்ணீர் விட்டு மூடி, குக்கரினுள் வைக்கவும்

மிளகை ஒரு பேப்பரில் வைத்து நன்கு தட்டி ஒன்றிரண்டாக பொடித்து உடனடியாக கீரையில் சேர்க்கவும்

இப்போது மஞ்சள் தூள், சீரகத் தூள், தேவைக்கேற்ப உப்பு சேர்க்கவும். குக்கரை மூடி கொண்டு மூடி ஒரு விசில், மிதமான தீயில் 5 நிமிடம் வைத்து அடுப்பை அணைக்கவும்

விசில் அடங்கியதும் திறந்து, பருப்பை வெளியே எடுத்து நன்கு கடைந்து, கீரையுடன் சேர்க்கவும்

அரிசி களைந்த மூன்றாவது தரம் தண்ணீரை கீரையுடன் ஊற்றி, ஒரு கொதி வரவும்.

பிறகு ஒரு கடாயில் நல்லெண்ணெய் விட்டு, பட்டை, பூ, சீரகம் தாளிக்கவும்

தாளிதத்தை சூப்பில் சேர்க்கவும். சத்தான முருங்கைக் கீரை மிளகு சூப் தயார். வெதுவெதுப்பாக பருகவும்.