மோனோகிராம் க்ரீம் சீஸ் ப்ரூட் கேக்(MONOGRAM CHEESE CAKE RECIPE I

ஒரு கிண்ணத்தில் எண்ணெய் தயிர் சேர்த்து கலக்கவும். இதில் மைதா மாவு பேக்கிங் பவுடர் பேக்கிங் சோடா உப்பு வெனிலா எசன்ஸ் சேர்த்து கலக்கவும். வெதுவெதுப்பான தண்ணீரை கொஞ்சம் கொஞ்சமாக சேர்த்து பீட்டரில் கலந்து கொள்ளவும். இறுதியில் சிவப்பு ஃபுட் கலர் சேர்த்து கலந்த கலவையை சதுர பேக்கிங் ட்ரேயில் ஊற்றி 180 டிகிரி இல் பிரீ ஹீட் செய்த ஓவனில் 20 நிமிடங்கள் பேக் செய்து எடுக்கவும். இதனை நன்கு ஆறவைக்கவும்.

மேலே குறிப்பிட்டபடி பச்சை நிற கலவையும் தயாரித்து பேக் செய்து அதை ஆற விடவும். இரண்டையும் இதே டின்னில் வைத்து காற்றுப் புகாதபடி கிளிங் ராப் செய்து ஃப்ரிட்ஜில் ஒரு நாள் வைக்கவும்.

மறுநாள் இரண்டு கலர் ஸ்பாஞ்சையும் ஒன்றன் மேல் ஒன்றாக வைத்து நீளவாக்கில் சமமாக அளந்து வெட்டிக் கொள்ளவும். மூன்று பாகங்களாக வெட்டவும். இதில் ஒரு பாகத்தை படத்தில் காட்டியுள்ளபடி கிராஸாக வெட்டிக் கொள்ளவும்.

பிறகு ஒவ்வொன்றாக வைத்து நம்பர்-1 போல தயார் செய்யவும். அனைத்து செய்முறையும் படத்தில் தெளிவாக உள்ளது.

க்ரீம் தயாரிக்க ஒரு கிண்ணத்தில் க்ரீம் சீஸ் மற்றும் ஐசிங் சுகர் சேர்த்து சர்க்கரை கரையும் வரை பீட் செய்யவும். வெளிர் நிறமாக வந்தபின் வெனிலா எசன்ஸ் சேர்ந்து ஒரு முறை கலக்கவும்.

ஒரு கிண்ணத்தில் சர்க்கரை மற்றும் தண்ணீர் சேர்த்து அடுப்பில் வைத்து கொதிக்கவிடவும் சர்க்கரை கரைந்த பின் ஒரு நிமிடம் கொதிக்க விட்டு அடுப்பை அணைத்து பாகை முழுமையாக ஆற வைக்கவும். இப்பொழுது பச்சை நிற கேக்கை நம்பர்1 போல அடுக்கி வைத்து அதன் மேல் சர்க்கரை பாகு தேவையான அளவு அப்ளை செய்யவும். பிறகு கிரீமை கொண்டு அந்த நம்பரின் ஓரம் முழுக்க ஸ்டார் அச்சுப் போல டிசைன் செய்யவும். நடுவில் பழ ஜாமை பைப்பிங் பேகில் சேர்த்து நிரப்பவும்.

இதன் மேல் சிவப்பு நிற கேக் துண்டுகளை அடுக்கவும். இதேபோல சர்க்கரை பாகு சேர்க்கவும். அதன்மேல் முழுவதுமாக ஸ்டார் வடிவத்தில் க்ரீமை பிழிந்து அழகுபடுத்தவும்.

ஸ்ட்ராபெர்ரி மற்றும் கிவி பழத்தை படத்தில் காட்டியுள்ளபடி வெட்டிக் கொள்ளவும். தயார் செய்த கேக்கின் மேல் அலங்கரிப்பதற்காக விருப்பப்படி பழங்களை ஆங்காங்கே வைக்கவும். நடுவில் சாக்லெட் மற்றும் மர்ஷ்மெல்லோ வைத்து அலங்கரிக்கவும்.

வண்ணமயமான கேக் கண் கவரும் வகையில் தயார். இதனை 8 மணிநேரம் ஃப்ரிட்ஜில் செட் செய்ய வைக்கவும். பிறகு பரிமாறலாம்

நான் செய்த கேக்குகளில் எனக்கு மிகவும் திருப்தியைக் கொடுத்தது இந்த கேக். இதை நாம் விருப்பப்பட்ட நம்பரில் செய்யலாம். பர்த்டே, கல்யாண தினம், கிரகப்பிரவேசம் என்று பலவகையான சமயங்களில் இதை-செய்து கொண்டாடலாம்.