முருங்கைக்காய் கத்திரிக்காய் தொக்கு

வெங்காயத்தையும், தக்காளி யையும் பொடியாக நறுக்கிக் கொள்ளவும்.

பூண்டை சதய்த்து கொள்ளவும்.

கத்திரிக்காயை நீளத்தில் நைஸாக வெட்டி உப்பு தண்ணீரில் ஊற வைக்கவும்.

முருங்கைக்காயை துண்டுகளாக வெட்டிக் கொள்ளவும்.

ஒரு கடாயில் எண்ணெய் ஊற்றி கடுகு சேர்க்கவும்.பின் கறிவேப்பிலை, பூண்டு மற்றும் வெங்காயத்தை சேர்த்து வதக்கி விட்டு தக்காளியை சேர்த்து வதக்கவும்.

பின்னர் தேவையான அளவு உப்பு, மஞ்சள் பொடி, சாம்பார் பொடி சேர்த்து வதக்கவும்.

தக்காளி வதங்கியதும் கத்திரிக்காய் மற்றும் முருங்கைக்காய் சேர்த்து இரண்டு நிமிடங்கள் வதக்கவும்.

பின்னர் ஒன்றரை கப் தண்ணீர் சேர்த்து மூடி வைத்து வேக வைக்கவும்.

நன்றாக வெந்து தண்ணீர் வற்றி எண்ணெய் பிரிந்து வரும் போது அடி பிடிக்காமல் நன்றாக் கிளறி விடவும்.

வாசனைக்காக அரை டீஸ்பூன் சோம்பு பொடி சேர்த்து ஒரு பெரட்டு பெரட்டி மூடி வைத்து இரண்டு நிமிடம் ஸிம்மில் வைக்கவும்.

எண்ணெய் பிரிந்து வரும் போது மல்லி இலை பொடியாக நறுக்கி அதில் சேர்த்து நன்றாக கிளறி இறக்கவும்.

சுவையான முருங்கைக்காய் கத்திரிக்காய் தொக்கு ரெடி.