கத்திரிக்காய் முருங்கைக்காய் உருளைக்கிழங்கு புளி குழம்பு🍆🥔👌👌👌👌

முதலில் தேவையான பொருட்களை எடுத்து வைத்துக்கொள்ளவும். காய்களை நன்கு கழுவி அரிந்து எடுத்து வைத்துக்கொள்ளவும். புளியை தண்ணீரில் ஊற வைத்து கொள்ளவும்.

சுவையை கூட்டும் மண் சட்டியை அடுப்பில் வைத்து காய்ந்தவுடன் 4 ஸ்பூன் சமயல் நல்லெண்ணெய் ஊற்றி சூடானதும் 1/2 டீஸ்பூன் கடுகு உளுந்து, வெந்தயம் போடவும்.

கடுகு உளுந்து,வெந்தயம் வனங்கியதும் அதனுடன் 2 பச்சை மிளகாய்,கறிவேப்பிலை சேர்த்து வதக்கவும்.பின் அதனுடன் நறுக்கி வைத்துள்ள சிறிய வெங்காயம் சேர்த்து வதக்கவும்.

பின் வெங்காயத்துடன் நறுக்கி வைத்துள்ள 6 பற்கள் பூண்டை சேர்த்து வதக்கவும்.பூண்டு பச்சை வாசனை போக வணங்கியதும் அதனுடன் நறுக்கி வைத்துள்ள தக்காளியை சேர்த்து நன்கு வதக்கவும்.

தக்காளி உடன் உப்பு தேவைக்கேற்ப சேர்த்து நன்கு வதக்கவும்.தக்காளி நன்கு வதங்கியதும் அதனுடன் வெட்டி வைத்துள்ள உருளைக்கிழங்கு, கத்திரிக்காய் சேர்க்கவும்.

பின் அதனுடன் முருங்கைக்காய் சேர்த்து அனைத்தையும் நன்கு கிளறி விடவும்.பின் 2 ஸ்பூன் குழம்பு தூள் சேர்த்து வதக்கவும்.

பின் அதனுடன் 1/2 டீஸ்பூன் மஞ்சள் தூள் சேர்த்து அனைத்தையும் நன்கு வதக்கி கிளறி விட்டு பின் தேவையான அளவு தண்ணீர் ஊற்ற வேண்டும்.

தண்ணீர் ஊற்றிய பிறகு மூடி போட்டு காய்களை வேக விடவும்.புளியை கரைத்து எடுத்து வைத்துக்கொள்ளவும்.

இப்பொழுது மூடியை நீக்கி குழம்பு நன்கு கொதித்த பின் காய்கள் வெந்தவுடன் கரைத்து வைத்துள்ள புளி தண்ணீரை ஊற்றவும்.புளி தண்ணீர் ஊற்றிய பிறகு ஒரு கொதி விடவும்.

குழம்பு கொதி வந்தவுடன் சிறிது வெல்லம் (அல்லது) நாட்டு சர்க்கரை குழம்பில் சேர்க்கவும்.பின் குழம்பில் கடைசியாக 1 ஸ்பூன் நல்லெண்ணெய் சேர்த்து கலந்து விட்ட பிறகு கொத்துமல்லி இலை தூவி இறக்கவும்.