முருங்கைக்காய் கத்திரிக்காய் கூட்டு

முருங்கை காய் கத்திரிக்காயை நீளவாக்கில் அரிந்து அரிசி களைந்த நீரில் சிறிது நேரம் போட்டு வைக்கவும். சிறிய வெங்காயம் பூண்டு இவற்றை உரித்து வைத்துக் கொள்ளவும். தக்காளியை பொடியாக அரிந்து வைத்துக்கொள்ளவும்.

வாணலியில் எண்ணெய் சேர்த்து,கடுகு,உளுத்தம் பருப்பு,கடலை பருப்பு, வர மிளகாய், பெருங்காயத்தூள்,கருவேப்பிலை தாளித்துக் கொள்ளவும். இவற்றுடன் அறிந்த காய்கறியை சேர்த்துக் கொள்ளவும். ஒரு நிமிடம் வதக்கிய பின்,மஞ்சள் தூள், சாம்பார் தூள், உப்பு சேர்த்து மூடி வைக்கவும். அரிசி கழுவிய தண்ணீரை வேகவைப்பதற்கு சேர்த்தால் மிகவும் சுவையாக இருக்கும்.

காய்கறிகள் வெந்தபின் வெந்த பருப்பு சேர்க்கவும். ஐந்து நிமிடம் மூடிவைத்து, கொதிக்கவிடவும். தேவை என்றால் கொஞ்சமாக தண்ணீர் சேர்த்துக் கொள்ளவும். கருவேப்பிலை கொத்தமல்லி சேர்த்து, பரிமாறவும். சுவையான கத்திரிக்காய் முருங்கைக்காய் கூட்டு ரெடி. சூடான சாதத்துடன் சேர்த்து சாப்பிட சுவையாக இருக்கும்.