முருங்கைக்காய் சாம்பார்

குக்கரில் பருப்பை கழுவி சுத்தம் செய்து பூண்டு பல், பெருங்காயத்தூள், மஞ்சள் தூள், தக்காளி, 2ஸ்பூன் எண்ணெய் விட்டு தேவையான அளவு தண்ணீர் ஊற்றி 3 விசில் விட்டு வேக வைத்து எடுக்கவும்.பிறகு இதை மத்து வைத்து நன்கு மசித்து விடவும்.

வானலில் எண்ணெய் ஊற்றி காய்ந்ததும் கடுகு தாளித்து வெங்காயம், கறிவேப்பிலை சேர்த்து வதக்கவும். முருங்கைக்காய் துண்டுகளாக நறுக்கி சேர்த்து சாம்பார் தூள், மிளகாய் தூள் சேர்த்து வதக்கி சிறிதளவு தண்ணீர் ஊற்றி வேக வைக்கவும்.

காய் ஓரளவு வெந்ததும் மசித்து வைத்த பருப்பை ஊற்றி தண்ணீர் ஊற்றி உப்பு போட்டு காரம் சரிபார்த்து கொள்ளவும். பருப்பு கொதித்து வந்ததும் புளி கரைசலை ஊற்றி கலந்து விடவும்.

சாம்பார் ஒன்று சேர்ந்து கொதித்து வந்ததும் கடைசியாக கொத்தமல்லி தூவி இறக்கவும்.சுவையான முருங்கைக்காய் சாம்பார் தயார். நன்றி