காளான் ரெசிபி (ரோடு கடை காளான்)

முதலில் முட்டைகோஸை பொடியாக நறுக்கவும்.. மிக்ஸியில் போட்டு 2 முறை மட்டும் அரைத்துக் கொள்ளவும்...(பொடியாக சின்னதாக வரும்). அதில் கரம் மசாலா தூள்-1 டீஸ்பூன், இஞ்சி பூண்டு விழுது-1 டீஸ்பூன், மைதா மாவு, கார்ன் பிளவர் மாவு, தேவையான அளவு உப்பு சேர்த்து நன்றாக கலந்து போண்டா மாவு பதத்திற்கு பிசைந்து கொள்ளவும்.. தண்ணீர் தேவைப்படின் சேர்க்கவும்...

ஒரு கடாயில் எண்ணெய் விட்டு காய்ந்ததும் பிசைந்த மாவை சிறு சிறு பஜ்ஜி போன்ற வடிவில் போட்டு நன்றாக இரு புறமும் பொன்னிறமாக பொரித்து எடுக்கவும்... ஆறியதும் சிறு சிறு துண்டுகளாக கையினால் பிரித்து வைக்கவும். வேறு ஒரு கடாயில் எண்ணெய் விட்டு காய்ந்ததும் அதில் பொடியாக நறுக்கிய வெங்காயம் பச்சை மிளகாயை சேர்த்து நன்றாக வதக்கவும்... பின்னர் தக்காளி விழுது, இஞ்சி பூண்டு விழுது, கறிவேப்பிலை சேர்த்து நன்கு பச்சை வாசனை போக வதக்கவும்.

நன்றாக வதங்கியதும் அதில் மஞ்சள் தூள், கரம் மசாலா தூள், மிளகாய் தூள், தேவையான அளவு உப்பு சேர்த்து நன்றாக கலந்து கொள்ளவும்... ஒரு டீஸ்பூன் கார்ன் பிளவர் மாவை சிறிது தண்ணீர் சேர்த்து நன்றாக கரைத்து அதை காளான் மசாலா கலவையுடன் சேர்த்து கலந்து கொள்ளவும்.ஒரு 3-4 நிமிடங்கள் வரை நன்கு வதக்கி, கொத்தமல்லி இலை, பொடியாக நறுக்கிய வெங்காயம் சேர்த்து பரிமாறவும்.. சூடான சுவையான எந்த சாஸ் வகைகள் சேர்க்காத ரோடு கடை காளான் ரெசிபி ரெடி... நன்றி.. ஹேமலதா கதிர்வேல். கோவை பாசக்கார பெண்கள்.