வாழைப் பூ வை நரம்பு நீக்கி மோர் தண்ணீரில் போட்டு வைக்கவும்.துவரம் பருப்பு 1 கப் கழுவி ஊற வைக்கவும். வரமிளகாய் 4,சோம்பு 1 டீஸ்பூன்,தேங்காய் துருவல் 2 டேபிள் ஸ்பூன்,சீரகம் 1/2 டீஸ்பூன்,மிளகு 5 எடுத்து வைக்கவும்.

பெரிய வெங்காயம் 1 தோல் நீக்கி பொடியாக நறுக்கி வைக்கவும்.மிக்ஸியில் தேங்காய் துருவல்,சோம்பு சீரகம்,மிளகு,வரமிளகாய் சேர்த்து நைசாக அரைத்து வைக்கவும்.கறிவேப்பிலை கழுவி வைக்கவும்.

கடாயில் ஆயில் 3 டீஸ்பூன் விட்டு கடுகு 1 டீஸ்பூன்,உளுந்து பருப்பு 1 டீஸ்பூன் கறிவேப்பிலை தாளித்து நறுக்கிய பெரிய வெங்காயத்தை சேர்க்கவும். வதக்கி உப்பு சேர்த்து அரைத்த விழுதை சேர்க்கவும்.3 நிமிடம் வதக்கி அடுப்பை சிம்மில் வைக்கவும்.

பச்சை வாசனை நீங்கிய பிறகு வாழைப் பூவை மிக்ஸி ஜாரில் சேர்த்து ஒரு ஓட்டு ஒட்டிவிடவும்.

அரைத்த வாழைப் பூவை சேர்க்கவும்.வதக்கி விடவும். ஊறிய துவரம் பருப்பை மிக்ஸி ஜாரில் சேர்க்கவும்.

துவரம் பருப்பை கொரகொரப்பாக அரைத்து சேர்க்கவும்.அடுப்பை சிம்மில் வைத்து கிளறி மூடி வைக்கவும். அடிக்கடி திறந்து கிளறவும்.இல்லாவிட்டால் அடிப் பிடிக்கும்.10 முதல் 15 நிமிடம் வரை உதிரியாக வெந்ததும்

10 முதல் 15 நிமிடம் வரை கிளறி உதிரியாக வெந்ததும் உருண்டையாக செய்து இறக்கி விடவும்.சாதத்துடன் சேர்த்து சாப்பிடலாம்.சுவையாக இருக்கும்.😋😋